عمرو منسي:"الجونة" "كان" الشرق الأوسط ونفسي يكون محطة أساسية لكل صانع سينما (فيديو وصور)

قال عمرو منسي المدير التنفيذي المؤسس المشارك لـ مهرجان الجونة السينمائي، خلال حفل ختام الدورة التاسعة من المهرجان : إنه يطمح فى السنوات المقبلة أن يكون المهرجان هو وجه لكل صناع السينما حول العالم، الراغبين فى الترويج لأعمالهم فى الشرق الأوسط.

وقال عمرو منسي خلال كلمته فى حفل ختام مهرجان الجونة السينمائي: “فريق المهرجان ١٠٠ واحد، وهو من أصعب ما يكون كل سنة بيتغير وطموحه بتتغير وصعوبته بتزيد، أشكر مدينة الجونة وشركة أوراسكوم إللى لولاهم والفريق اللى بنشتغل معاه مكنش هنكمل للسنة الـ ٩.”

وتابع المنسي: “لما بدأنا المهرجان من ١٠ سنين كنا بنلف المهرجانات وكان مهرجان  ”كان" هو مصدر الالهام لينا، كنا فى أول سنة كنا شايفينه دايمًا زحمة وكنا بنسال هل ممكن يحصل كده فى الجونة وكنا شايفين الجونة السينمائي هو “كان” الشرق الأوسط برغم إني شايف الجونة احسن من “كان”"

وأضاف: “السنة دي كان أول مرة أحس الاحساس ده، ان الجونة اصبح مهرجان سينمائي حقيقي، كل الأماكن مزدحمة بالناس، وده الإحساس اللى إحنا كنا بنحلم بيه لما ابتدينا.”

وأكد المدير التنفيذي للجونة السينمائي: “حضور سيني جونة السنادي ١٦٠% زيادة، ولأول مرة فى المهرجان الناس مش بتتخانق أنا عايزة اروح الحفلة دي هما بيتخانقوا أنا عايزة أروح الفيلم ده والرؤية اللى اتحطت من ٤ سنين إن الصناعة تبقي هي البطل اعتقد إن إحنا وصلنا لها.”

وكشف المنسي عن طموحه للأعوام المقبلة، قائلًا: “هقول لكم طموحي للمهرجان، إن يبقي مهرجان الجونة المحطة الأساسية لأي صانع أفلام أو موهبة عايز يسوق شغله فى الشرق الأوسط، إحنا مش بندفع فلوس علشان نجيب نجوم من بره إحنا بنعمل حاجة حقيقية، ونفسي السنة الجاية كل يوم يبقي فى عرض فيلم مصري.”

مهرجان الجونة السينمائي 

وعلى مدار تسعة أيام، أقيمت فعاليات الدورة التاسعة من مهرجان الجونة السينمائي بمشاركة قرابة 80 فيلما في مسابقات وبرامج المهرجان المختلفة لهذا العام.

والمهرجان هو إحدى المنصات السينمائية البارزة في المنطقة، لدعم الإبداع السينمائي وتعزيز التبادل الثقافي، إلى جانب توفير فرص للتواصل بين صناع الأفلام والمواهب الناشئة.

ويهتم المهرجان اهتمامًا كبيرا بتطوير المشروعات السينمائية ودعم المواهب الجديدة من خلال برامجه المختلفة، وفي مقدمتها منصة «سيني جونة»، التي تستهدف تعزيز فرص تطوير المشروعات وبناء جسور التعاون بين صناع السينما في المنطقة والعالم.