وجه الفنان محمد عطية رسالة مؤثرة عبر حسابه على مواقع التواصل الاجتماعي، عبر فيها عن حزنه الشديد بعد خسارة منتخب مصر، مؤكدًا أن ما يشعر به يتجاوز مجرد نتيجة مباراة كرة قدم.

تصريحات محمد عطية عن خسارة مصر بالمونديال

وكتب محمد عطية: «اكتشفت امبارح إني بحب مصر حبًّا مرضيًا، ممكن يتسبب في أذى ليا.. أنا مش كويس من امبارح، ومش قادر أستوعب إن في حاجة في حياتي أصلًا كلها ممكن يكون ليها التأثير ده على صحتي النفسية».

وأضاف: «أنا أصلًا إنسان بقلب أي موقف، مهما كان مؤذيًا نفسيًا ليا، لهزار، بس ما عرفتش أعمل ده امبارح.. لا قادر أضحك، ولا أهزر.. حتى النوم، لأول مرة في حياتي آخد منوم».
وتابع الفنان: «أنا حزين جدًا، وما أعتقدش إن مر علي خلال الـ43 سنة اللي عشتهم حالة حزن بالشكل ده غير مرتين. الموضوع مش موضوع ماتش ولا كورة.. الموضوع أكبر من كده.. معاني كتير مش قادر أكتبها في بوست».
واختتم محمد عطية رسالته قائلًا: «اكتشفت إن البلد اللي قررت من 6 سنين أهاجر وأسيبها.. عمرها ما سابتني».