كشف الإعلامي أحمد شوبير حارس مرمى الأهلي ومنتخب مصر السابق مفاجأة في كواليس التحقيقات مع محمد الشيبي لاعب نادي بيراميدز في القضية المرفوعة منه ضد حسين الشحات نجم النادي الأهلي.
وقال شوبير اليوم الاثنين: «بصوا يا جماعة سيبك من كل اللي اتقال ده تحقيق وفيه مستشارين اجلاء بس أنا اكتشفت أن كل ما جاء في التحقيق اتقال نصا عبر اليوتيوب وبعض المواقع، وعموما أنت مش هتعرف مين اللي طلع الأسرار ولكن اللي اتقال إن محامي اللاعب هو وراء كشف ما دار في التحقيق».
وتابع شوبير: «محامي اللاعب قال إن مكانش فيه اعتذار رسمي واضح من حسين الشحات لموكله محمد الشيبي وكمان العقوبة التي وقعت على لاعب الأهلي كانت ضعيفة ومن هنا لجأ الشيبي إلى الشق الجنائي في القضاء».
وأوضح أحمد شوبير: «رأيي بصراحة شديدة إنه مفيش ما يمنع يكون في اعتذار يليق لمحمد الشيبي من حسين الشحات ومحدش يركب دماغه ويقول لي مش عارف، ده بيراميدز، اسمع اللي بقول لك عليه، ومحدش يقول الشحات اعتذر مرة واثنين و3 هو فيه أيه، لا يا عم ما دام مطلوب اعتذار يليق يكون فيه اعتذار يليق وبشكل جيد أنا ماليش دعوة بعقوبة اتحاد الكرة ولا لجنة المسابقات ده واحد شعر بالاهانة ويريد رد الاعتبار».
وأضاف شوبير: «ياريت عشان نخلص والموضوع ينتهي وحد هيقول لك أنا بقول كدا عشان الأهلي مشيها عشان الأهلي مش مشكلة، لابد أن يكون فيه كبار في هذا الأمر ونخلص من الكلام الفارغ ده، كفاية التحفيل والكلام الفاضي بين جماهير الأهلي والزمالك على السوشيال ميديا، معدش ينفع الكلام الفاضي اللي احنا بنشوفه ده في الكورة المصرية».
- عبدالعزيز عبدالشافي: تراجع الأهلي سبب غيابه عن ترشيحات الأفضل في إفريقيا
- مصطفى يونس: بحيي إمام عاشور الوحيد اللي خد اللي هو عايزه في تاريخ الأهلي ولازم يمشي
- بن شرقي ومصطفى شوبير على رأس بدلاء الأهلي أمام المقاولون العرب بكأس العاصمة
- شوبير: إمام عاشور يلعب منذ فترة بإصابة فى الضامة وتفاقمت إلى تليف
- سيناريو كولر يتكرر، شوبير يحذر من المساس بـ"عموتة" ويكشف عن حملة ممنهجة ضد هاني وإمام عاشور






