كندة علوش: "كنت فوق الـ 80 كيلو في "50/50"وعملت مجهود جبار علشان أخس"

تحدث الفنانة كندة علوش حول رحلتها فى خسارة الوزن مؤكدة أنها قامت بمجهود كبير جدًا حتى تفقد الـ 20 كيلو الزائدة لمدة عام ونصف.

كندة علوش: كنت زايدة 20 كيلو فى “50/50” وسعيدة برد فعل الناس

وقالت كندة علوش فى برنامج "صاحبة السعادة" مع الإعلامية والفنانة إسعاد يونس: "فى مسلسل "50/50" كنت زيادة 20 كيلو عن دلوقتي، كنت بقول لعمرو ازاي قدرت انزل واصور بالشكل ده كنت فوق الـ 80 كيلو".

وعبرت علوش عن سعادتها لأنها وبرغم وزنها الزائد لم تتلق أي تعليقات مسيئة، موضحة: "برغم ان الناس قاسية جدا فى تعليقاتها، كنت سعيدة جدا ان مجاش ليا أي تعليقات على شكلى فى الفترة دي، وممكن ده علشان الوزن وقتها كان لايق على الشخصية".

كندة علوش: عملت مجهود جبار علشان أخس

وأكدت علوش أن زيادة وزنها لم تكن عن قصد من أجل مسلسل “50/50” لأنها لن تستطيع خسارتها مرة أخرى، مضيفة: "متخنتش نفسي علشان الدور لاني عارفة اني مش هعرف انزلهم تاني، وبعد ما خسيت شوية جالي انتكاسة صحية. وبعدها عملت مجهود كبير علشان اخس وكله بطريقة صحية من خلال التمرين والدايت".