طمأن اللواء جمال عوض، رئيس الهيئة القومية للتأمين الاجتماعي، أصحاب المعاشات بشأن مستقبل أموال التأمينات، مؤكدًا أن الهيئة تعمل وفق خطط طويلة الأجل لضمان الاستدامة المالية، مع تحقيق أعلى عائد استثماري في تاريخ التأمينات.
وقال اللواء جمال عوض خلال مداخلة هاتفية مع الإعلامي أحمد موسى في برنامج "على مسئوليتي" المذاع على قناة "صدى البلد": "صرفنا معاشات 2025 اللي خلصت صرفنا 498 مليار جنيه معاشات، والسنادي لسه مقفلناش السنة، والصرف على وجه الدقة توقعي 530 مليار جنيه، والسنة اللي بعدها ممكن يدخل على الـ 600 مليار".
وأضاف: "نعمل على تحقيق الاستدامة المالية وعدم حدوث أي أزمات في المعاشات مستقبلًا، ولن تكون هناك أزمات أو مشاكل في أموال المعاشات".
وتابع: "القانون بيقولي توقع الـ50 سنة اللي جاية عشان نأمن أصحاب المعاشات، ونكون ماشيين 50 سنة قدام، واللي بيعمل الدراسة دي خبراء من الخارج".
وأضاف: "السنة اللي فاتت محققين معدل عائد على الأموال 18.5%، والنسبة دي مش موجودة في تاريخ التأمينات، لأن من ضمن محاور الإصلاح القانون نص على إنشاء صندوق لإدارة أموال التأمينات، عامل 1024 مليار جنيه عائد استثمار أموال التأمينات"، مؤكدا: "لن تتأثر في انخفاض سعر الفائدة، ولدينا تنوع في استثمار أموال التأمينات".
وأكد: "قانون المعاشات أحد محاور الإصلاح الموجودة فيه إنه يكون فيه زيادة سنوية كل سنة لا تقل عن معدل التضخم ولا تزيد عن 15%، ودي أقصى زيادة قررها القانون"، موضحا: "قيمة المعاش بيحكمها عاملين، لذلك متلاقيش واحد زي التاني في المعاشات، وقيمة المعاش مرتبطة بأجر المشترك وعدد سنوات الاشتراك".
وأوضح: "إحنا بنحصل الاشتراكات من الناس، والحد الأدنى حاليًا 2700 جنيه، وفي عمال مهن وطوائف متعددة عددهم يزيد على 2 مليون مواطن بيسددوا الاشتراكات على 2700 جنيه، ينفع ده ياخد 7000 جنيه؟ مين هيتحمل الفارق؟".
- تفاصيل الخديعة الكبرى للاستيلاء على أموال أصحاب المعاشات
- تريليون و610 مليارات جنيه، التأمينات تكشف ما سددته خزانة الدولة منذ 2019
- دفاع أصحاب المعاشات: امتناع التأمينات عن تقديم المستندات إقرار بالحقوق
- تأجيل دعوى إلزام التأمينات بتنفيذ تيسيرات الرعاية الاجتماعية لأصحاب المعاشات لـ 7 نوفمبر
- اليوم، نظر دعوى "اتحاد أصحاب المعاشات" لإلزام التأمينات بتنفيذ تيسيرات الرعاية الاجتماعية
