أحمد داش: مش شرط يكون في “كيميا” بين الممثل والمخرج علشان العمل ينجح

أكد الفنان أحمد داش أن نجاح العمل الفنى لا يتوقف على وجود “كيميا” أو توافق بين المخرج والممثل، مؤكدًا على وجود أعمال ناجحة جدًا سواء تجاريًا أو فنيًا، ولكن عند السؤال عن كواليس العمل نكتشف أن طاقم العمل باكمله “مش طايقين بعض”.

أحمد داش: الأعمال الفنية الجيدة غير مرتبطة بعلاقات طاقم العمل

وقال داش فى حوار تلفزيوني: إنه ضد فكرة ضرورة وجود “كيميا” أو توافق بين المخرج والممثل بنسبة 100%، وذلك لأن عددا من الأعمال الفنية التى عشقناها  كانت محفوفة بالخلافات، موضحًا: لما بنسال فى الكواليس بنلاقي ولا واحد طايق التاني وكله بيشتم فى بعضه، بس قدروا أنهم يطلعوا بشغل حلو.

وفى المقابل أوضح الممثل أنه يوجد مسلسلات طاقم العمل يعشقون بعضهم البعض، ولكن  شغل “زي القرف"، مشددًا أن صناعة الفن الجيد ليس لها علاقة بـ “الكيميا” أو أن هذا الشخص جيد على المستوي الشخصي.

حكاية أحمد داش في أول يوم تمثيل واتهامه بالغرور

في سياق منفصل، قال الممثل أحمد داش في لقاء له في "نسخة المخرج- إصدار مهرجان الجونة السينمائي.. Director's Cut GFF Edition" أنه “تبسط وخليك زي ما أنت” والذي وصف فيه مشاعره في أول يوم عمل له في التمثيل، وأيضًا أكثر مشهد تأثر به في أعماله. 

وحكى أحمد داش عن أول يوم له في العمل، وماذا قال لنفسه، حين وجه إليه سؤال "لو قابلت نفسك في أول يوم في الشغلانة، هتقول لنفسك إيه"، في البداية قال داش "ما تقربش"، لكنه أكد أنه قال لنفسه "اتبسط وخليك زي ما أنت ما تحسبهاش كتير".

وردًا عن سؤال "في حاجة كنت بتعملها زمان لما بترجع تبصلها بتقول أنا ليه كنت بعمل كدا؟"، فرد الفنان أحمد داش قائلًا: “اللي بحاول عليه في شخصيتي ورؤيتي الشخصية أنا ديما في حالي لكن بتظهر إني مكسوف، أو بتظهر إني مغرور، وهذا الأمر محتاج اشتغل عليه، كيف اتعامل مع الناس واتقابل مع الناس، وأزاي أكون في مكان فيه ناس كتير وأتعامل معاهم، وأتعامل مع الناس بذكاء ده مش عندي خالص”.