كندة علوش: فترة مرضي غيرت فيا حاجات كتير وخلتني أقدر النعم اللي في حياتي

أكدت الفنانة كندة علوش أن فترة مرضها كانت السبب فى تغيير العديد من الأشياء فى حياتها ومن أهمها تقديرها للنعم وعدم الحكم على الناس.

كندة علوش: المرض غير فيا حاجات كتير وبقيت بقدر النعم اكتر

وقالت كندة علوش فى برنامج "صاحبة السعادة" والإعلامية والفنانة إسعاد يونس أنها تغيرت كثير بعد فترة مرضها، مؤكدة: "اتغيرت فيا حاجات كثير جدا، بقيت بشوف الدنيا بشكل تانى، بحاول اشوف جوهر الأشياء بدل من قشرتها".

وتابعت علوش: "مبقتش بزعل على الحاجات الدنيوية، سواء على دور أو من صحابي أو لو فاتني مناسبة، مبتعلقش بشنطة أو عربية، بقيت فاهمة إن الأساس هو أسرتي، طول ما عيالي وجوزي بخير، وصحتي اللى بقيت حريصة عليها جدا".

وأضافت الممثلة أنها أصبحت تقدر النعم أكثر من السابق سواء الكبيرة منها أو الصغير، مشيرة: "حتى النفس والنظر كل حاجة في حياتنا نعمة".

وتابعت: "بحاول إني محكمش على الناس، بقيت عارفة إن ممكن الناس بتتألم ومبتقولش، لأن كل شخص يخفي وراءه قصة مؤلمة لا نعلم عنها شيء".