علق الفنان صلاح عبد الله، على منشور المنتجة مها سليم عبر حسابها على موقع التواصل الاجتماعي فيسبوك، بشأن ارتفاع أجور الفنانين والعاملين في صناعة الدراما، في ظل ثبات حجم الإعلانات والتحديات التي تواجه الإنتاج، وتأتي هذه الأزمة في ظل الاستعدادات لموسم دراما رمضان 2027.
مها سليم تنتقد ارتفاع أجور الفنانين
وكتبت مها سليم عبر حسابها على “فيسبوك”: “طيب خلوني أقول لكم حاجة مهمة، ومش هاعملها تاني، كلنا السبب في اللي إحنا واصلين له ولسه هانوصل لأسوأ لو كملنا كدة، اللي كان واخد جنيه السنة اللي فاتت طالب 3 جنيه السنة دي، الصغير والكبير طالب من الإنتاج تجيبه وتوديه سواء نجم أو فريق خلف الكاميرا، كل واحد عايز مساعد واثنين وراه، كل فنان وراه فريق عمل، وغيره وغيره وغيره”.
وأضافت: وحجم الإعلانات زي ما هي، لا ومش بس كدة، ده بقى في جزء من الصرف الإعلاني بيتم صرفه في وسائل تانية بعيدة عن الشاشات، وعدد القنوات والمنصات زي ما هي.
وواصلت: ساعدوا نفسكم وساعدونا إننا نشتغل، دي صناعة كبيرة مفتوح منها بيوت كتير جدًا جدًا، وعشان تفضل قائمة ومستمرة، وحضرتك عايز تحسب، بدل ما تطلب 10 جنيه اكتفي بـ8 جنيه علشان نشتغل بدل ما كلنا نقعد في البيت.
واختتمت مها سليم: ده بخلاف مشاكلنا الإنتاجية في التسويق، أرجوكم من أول المنتج لحد أصغر عنصر في العمل ساعدوا نفسكم وساعدونا علشان تفضل بيوتنا كلها مفتوحة، وشكرًا، سلام عليكم.
صلاح عبد الله يعلق على منشور مها سليم
وفي تعليقه على المنشور، كتب صلاح عبد الله موجهًا حديثه إلى مها سليم: "أنا ماطلبتش حاجة يا مها، لأن محدش طلبني"، في إشارة إلى عدم تلقيه طلبًا للمشاركة في عمل فني، وذلك في سياق النقاش الدائر حول أجور الفنانين وتحديات الإنتاج الدرامي.
- شعبة المصدرين: صندوق إعادة تشغيل المصانع المتعثرة يعزز الطاقة الإنتاجية
- تكثيف الرقابة على مصانع تعبئة البوتاجاز لضمان انتظام الإنتاج والتوزيع بأسيوط
- انطلاق حملة رقابية على مصانع تعبئة أسطوانات البوتاجاز بأسيوط لضمان انتظام الإنتاج والتوزيع
- تخفيض الرسوم الجمركية.. خبير لـ”الوطن”: يدعم الإنتاج ونحتاج إلى خطوات مكملة
- ما هى أغلى شتلة للتمور في مصر؟.. البارحى فى المقدمة
